الاكزوس سيستم حابين تعرفون ايش هو ؟

السلام عليكم

اخواني ...حبيت اشاركم بموضوع شيق جدا و هو ا الاكزوس سيستم ...كثير شباب مايعرفو ليش و ايش هوا الاكزوس سيستم و ايش عملو .

الاكزوس سيستم يتكون من :
1- الدبه ( الكنداسة ) ( العلبة ) ( الشكمان)
2- الهيدرس .

ايش فايدة الاكزوس سيستم ؟
1- لاخراج الغاز المحترق نتيجة احتراق البنزين و الهوا .

هل لاكزوس سيستم يزيد من قوة الدراجة النارية ؟
نعم ...لعدة اسباب و منها :
1- خفة الوزن .
2- طريقة اخراج الغازات الناجمة من الاحتراق ..( طبعا لكل شركة طرقتها الخاصة )

هل لاكزوس سيستم صوت :
نعم ..و في بعض الماركات انتا تقدر تتحكم بدرجة الصوت .

طيب الحين اخذنا فكرة طيبة عن الاكزوس سيستم خلينا نتعمق شوية ...

1- اذا تبغى حضرتك تركب اكزوس سيستم خذ ماركة جيدة ؟ ليششششش؟

1- الماركات الجيدة تحافظ على نظافة البيئة
2- الماركة الجيدة تعطيك جودة عالية من حيث الاداء
3- الماركة الجيدة تعطيك صوت جدا طيب ( غير مزعج ) يعني طرب

2- اذا تبغى تشوف فرق في الاداء :

1- ركب فل اكزوس سيستم يعني : الكنداسة و الهديرز ..
2- فلتر هوا رياضي ( طبعا مو ماركة سعيد عباس ) K&n
طيب ليش تركب فلتر هوا رياضي ؟

1- عشان نسبة الهوا في الفلتر الرياضي تكون اكبر فيسير احتراق اكبر يعني قوة اكثر ...

3- بور كماندر ؟ ليش بور كماندر ؟؟؟؟

1- انتا ركبت فل اكزوس سيستم و فلتر هوا رياضي ؟ طيب الهوا سار كثير بس نسبة ضخ البنزين زي ما هيا فلمعادلة هنا مو متساوية فاحنا نبغى نعدلها بل بور كماندر .

انتا كدا لغمة دراجتك النارية و نقريبا زت 10-15 حصان يعني راح تشوف فرق كبير ...
وزن الدراجة خف و القوة زادة ....

سؤال : هل بتضر دراجتك النارية ؟
الجواب : لا ..لانك لغمت بأصول .

اترك عنك شغلة بواجي و النكبة حقتها البوجي شغلته مولد للاحتراق ...يعني لو جبت و لاعة خربانه و ولاعة صاحية تبغى تولع على بانزين ...صدقني الاثنين راح يولعو البانزين ..من الاخر البواجي زي الولاعة .

ماركت انصح فيها للاكسوس سيستم :

1- بلو فليم
2- ديفيل
3- مايكرو
4- افرباتك
5- تو برذرز
6- ليزير
و غيرها من الماركات الجيدة .

و اترك عنك شغل تكسير الاكزوس شد بلد الدراجة ( تراها حركة غير حضارية ) يعني شغل جهله .

يالغم بأصول و لا بلاش ..طبعا الموضوع هذا للتلغم المعقول ...هناك طرق اضافية اخرى اذا تبغى تتخصص في التراك ريس ووووو...

ملاحظة :

لجماعة الترفيع لاينصح بلتلغيم .......

راح تسؤلون ليش صح ؟
انا اقولكم
ليش الترفيع ما يبغاله تلغيم؟
لانو التلغيم فترات قوة المحرك غير ثابته ...
يعني ا\ا انتا رافع على ضغط مكينه معين ما تبغا تغير الضغط ...بس مع التلغيم الضغط اكيد راح يتغير و خاصة ادا انتا مركب بور كماندر ....
وعلى فكره الاسعار انا الي اعرف انها تبداء من 2000 دولار و انتا طالع ...
ارجوا اني افدتكم
تحياتي

مشكور على الموضوع

شكرا على الرد

شكرا

الاكزوس سيستم حابين تعرفون ايش هو ؟ 692271

شكرا على الرد

العفووو